ނޭޕާލްގެ ޖުމްހޫރީ ދުވަހުގެ ބަރަކާތްތެރި މުނާސަބަތާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެޤައުމުގެ ވެރިންނަށާއި ރައްޔިތުންނަށް ތަހުނިޔާ ވިދާޅުވެއްޖެއެވެ.

އަޒަރުބައިޖާންގެ މިނިވަން ދުވަހުގެ އުފާވެރި މުނާސަބަތުގައި، އެ ގައުމުގެ ރައީސަށާއި ސަރުކާރަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތަހުނިޔާ ފޮނުއްވައިފިއެވެ.

މާލެއާއި ހުޅުމާލޭގައި ފުލުހުން ހިންގި ޚާއްޞަ އޮޕަރޭޝަނެއްގައި މަސްތުވާތަކެތީގެ މައްސަލައަކާ ގުޅިގެން ހަތަރު މީހަކު ހައްޔަރުކޮށްފިއެވެ.

ޖަލުގައި ބަންދުކޮށްފައި ހުރި ދުވަސްވަރު ކަން ހިނގައިދިޔަ ގޮތާ ގުޅޭގޮތުން ނޫސްވެރިޔާ ޝަހުޒާން ބުނަމުންދާ ވާހަކަތަކަކީ "100 ޕަސެންޓް ދޮގު" ވާހަކަތަކެއް ކަމަށް ހޯމް މިނިސްޓަރ ޢަލީ އިހުސާން ވިދާޅުވެއްޖެއެވެ.

މެލޭޝިޔާގައި ދިރިއުޅޭ ދިވެހި މުޖުތަމަޢުގެ ބައިވެރިންނާ އެކު، 1447 ހިޖުރީ އަހަރުގެ އަޟްޙާ އީދު ފާހަގަކުރުމަށް މެލޭޝިޔާގައި ހުންނަ ދިވެހި ހައިކޮމިޝަނުން ޚާއްސަ ހަފްލާއެއް ބާއްވައިފިއެވެ. 2026 ވަނަ އަހަރުގެ އަޟްޙާ އީދާ ގުޅުވައިގެން ބޭއްވި މި ހަފްލާއަކީ މެލޭޝިޔާގައި ދިރިއުޅޭ ދިވެހިންގެ މެދުގައި އޮންނަ ގުޅުން ބަދަހިކޮށް، އީދުގެ އުފަލާއި ރޫޙު އެކުވެރިކަމާ އެކު ދެމެހެއްޓުމުގެ މަގުސަދުގައި ބޭއްވި ބައްދަލުވުމެއް ކަމަށް މެލޭޝިޔާގައި ހުންނަ ދިވެހި ހައިކޮމިޝަނުން ހާމަކުރެއެވެ. ދިވެހި ހައިކޮމިޝަނުން "އެކްސް" މެދުވެރިކޮށް ހާމަކޮށްފައިވާ ގޮތުގައި، މި ހަފްލާގައި ދިވެހި ބަހާއި ސަގާފަތް ރަމްޒުކޮށްދޭ ތަފާތު ހަރަކާތްތަކެއް ވަނީ ކުރިއަށް ގެންގޮސްފައެވެ. އޭގެ ތެރޭގައި ފޯރިގަދަ ބޯޑުބެރުގެ ހަރަކާތްތަކާއި، ސަގާފީ ތަފާތު ނެށުންތަކުގެ އިތުރުން ކުޑަކުދިންނާއި އާއިލާތަކަށް ޚާއްސަ ކުޅިވަރުތަކާއި ހަރަކާތްތައް ހިމެނެއެވެ. އަދި ހަފްލާގެ ބައިވެރިންގެ މެދުގައި ނެގުނު ގުރުއަތުން ހޮވޭ ފަރާތްތަކަށް އަގުހުރި އިނާމުތަކެއް ދިނުން ވެސް ކުރިއަށް ދިޔައެވެ. މި ހަފްލާގައި ދިވެހި ސަގާފަތާއި އާދަކާދަތައް ދައްކުވައިދިނުމަށްޓަކައި މެލޭޝިޔާގައި ހަރަކާތްތެރިވާ ދިވެހި ދަރިވަރުންގެ ޖަމިއްޔާތަކުން ވަނީ އިސް ދައުރެއް އަދާކޮށްފައެވެ. އެގޮތުން ސަންވޭ ޔުނިވާސިޓީ، ޓޭލާޒް ޔުނިވާސިޓީ، އޭޝިޔާ ޕެސިފިކް ޔުނިވާސިޓީ )އޭ.ޕީ.ޔޫ( އަދި މޯލްޑިވްސް ނޭޝަނަލް ޔުނިވާސިޓީ )އެމް.އެން.ޔޫ( ގެ ދަރިވަރުންގެ ފަރާތުން ހުށަހަޅައިދިން ސަގާފީ އައިޓަމްތައް ފާހަގަކޮށްލެވެއެވެ. މެލޭޝިޔާގައި ހުންނަ ދިވެހި ހައިކޮމިޝަނުން ވަނީ މި ހަފްލާ ކާމިޔާބުކަމާ އެކު ނިންމާލުމަށް އެހީތެރިވެދިން ހުރިހާ ވޮލަންޓިއަރުންނަށާއި، ދަރިވަރުންނަށާއި، ހުށަހެޅުންތައް ހުށަހަޅައިދިން ފަރާތްތަކުގެ އިތުރުން މެލޭޝިޔާގައި ދިރިއުޅޭ ދިވެހި މުޖުތަމަޢުގެ އެންމެހާ ފަރާތްތަކަށް އިޚްލާޞްތެރިކަމާ އެކު ޝުކުރު އަދާކޮށްފައެވެ.

މިއަދު، 10 ذُو الْހިއްޖަ 1447 )27 މެއި 2026( ވީ ބުދަ ދުވަހު، ރާއްޖޭގެ އެކި ކަންކޮޅުތަކުގައި ބޭއްވި އަޟުޙާ ޢީދުގެ ބޮޑު ޖަމާޢަތުގައްޔާއި މިސްކިތްތަކުގައި އިއްވި ޢީދު ޚުޠުބާގައި، ޢީދުގެ އަދަބުތަކާއި، އިބްރާހީމް ޢަލައިހިއްސަލާމްގެ މަތިވެރި ޤުރުބާނީ އަދި މުސްލިމް އުންމަތުގެ އެއްބައިވަންތަކަމުގެ މައްޗަށް މުހިންމު ނަސޭހަތްތަކެއް ދީފިއެވެ.

މިއަހަރުގެ ބަރަކާތްތެރި އަޟްޙާ ޢީދުގެ އުފާވެރި މުނާސަބަތާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު، ދިވެހި އެންމެހާ ރައްޔިތުންނަށް ޢީދުގެ ތަހުނިޔާ އާއި ހެޔޮއެދުންތައް އަރިސްކުރައްވައިފިއެވެ.

ކުރިއަށް އޮތް ޢީދު ނަމާދު މާލެ ސަރަޙައްދުގެ ބޮޑު ޖަމާޢަތްތަކުގައި އިމާމުވެ ނަމާދުކުރައްވާނެ ޚަޠީބުން މިނިސްޓްރީ އޮފް އިސްލާމިކް އެފެއާޒުން ކަނޑައަޅައި އިޢުލާންކުރައްވައިފިއެވެ.

ފެނަކަ ކޯޕަރޭޝަނުން ރަށްރަށުގައި ފޯރުކޮށްދޭ ކަރަންޓުގެ ޚިދުމަތް ދެމެހެއްޓެނިވި ގޮތެއްގައި ކުރިއަށް ގެންދިއުމަށްޓަކައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ކުރަމުންދާ މަސައްކަތުގެ ދަށުން ފ. މަގޫދޫ އަދި ރ. އިންނަމާދޫއަށް މުޅިން އައު ދެ ޖެނެރޭޓަރު ފޮނުވައިފިއެވެ.

ކާބޯތަކެތި ގިނަދުވަހަށް ރައްކާތެރިކޮށް ބެހެއްޓުމަށް ބޭނުންކުރާ "ޕްރިޒާވެޓިވްސް" އަކީ ސިއްހީ ބޮޑެތި ނުރައްކާތަކެއް ކުރިމަތިކުރުވާ މާއްދާތަކެއްކަން ފްރާންސްގައި ކުރިއަށްގެންދިޔަ އައު ދިރާސާއަކުން ވަނީ ހާމަވެފައެވެ.

މިއަހަރުގެ ބަރަކާތްތެރި ޙައްޖު ދުވަހުގެ މަތިވެރި މުނާސަބަތާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު، ދިވެހި އެންމެހައި ޙައްޖާޖީންނަށާއި މުޅި އިސްލާމީ އުންމަތަށް ތަހުނިޔާ އާއި ހެޔޮދުޢާ ފޮނުއްވައިފިއެވެ.

ވ. އަލިމަތާ ކައިރީގައި އޮންނަ ކަނޑު ހޮހަޅައަށް ގެއްލުނު އިޓަލީގެ ޑައިވަރުން ހޯދުމަށް ހިންގި ނުރައްކާތެރި އަދި ކާމިޔާބު ސާޗް އޮޕަރޭޝަންގައި ބައިވެރިވި ފުލުހުންގެ ޑައިވަރުންގެ ޓީމާ، ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙްސާން އާއި ކޮމިޝަނަރ އޮފް ޕޮލިސް އަޙްމަދު މުޙައްމަދު ބައްދަލުކުރައްވައިފިއެވެ.

ކުރިއަށް އޮތް އަޟްޙާ ޢީދާ ގުޅުވައިގެން މުޖުތަމަޢުގެ އެކުވެރިކަމާއި އެއްބައިވަންތަކަން އާލާކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމުގެ މަތިން ސަރުކާރުން ބާއްވާ "ޢީދު ހަވީރު 1447" ފެސްޓިވަލްގައި މޯލްޑިވްސް އެއަރޕޯޓްސް ކޮމްޕެނީ ލިމިޓެޑް )އެމްއޭސީއެލް( އިން ވަރަށް ފޯރިގަދަ ހަރަކާތްތަކަކާއެކު ބައިވެރިވުމަށް ނިންމައިފިއެވެ.

ޓޯކިޔޯގެ އިމްޕީރިއަލް ޕެލަސްގައި މިއަދު ބޭއްވި ރަސްމިއްޔާތުގައި، ހިސް މެޖެސްޓީ އެމްޕެރަރ ނަރުހީޓޯ ވަނީ ސަފީރު މަޚްލޫފަށް މަރުޙަބާ ވިދާޅުވެ ކާމިޔާބަށް އެދިވަޑައިގެންފައެވެ.

ބަނގުރާ ވިއްކައި ވިޔަފާރިކުރާކަމުގެ ތުހުމަތުގައި ހުޅުމާލެ ފޭސް 1 އިން ދެމީހުން ހައްޔަރުކޮށްފައިވާކަމަށް ދިވެހި ފުލުހުންގެ ޚިދުމަތުން ބުނެފިއެވެ.

"އަދަދު" ނޫހަކީ ނޫސްވެރިކަމުގެ މިންގަނޑުތަކުން ބޭރުވެ، ހަމައެކަނި ފިތުނަ އުފެއްދުމަށް މަސައްކަތްކުރާ ސިޔާސީ މުއައްސަސާއެއްގެ ގޮތުގައި ސިފަކުރައްވައި، ސަރުކާރު ހިންގާ މައި ޕާޓީ ޕީ.އެން.ސީގެ ނައިބު ރައީސް އަދި ފިޝަރީޒް މިނިސްޓަރު އަޙްމަދު ޝިޔާމް އެ ނޫހަށް ވަރުގަދަ ރައްދެއް ދެއްވައިފިއެވެ.

ޖޯޑަންގެ މިނިވަން ދުވަހުގެ ބަރަކާތްތެރި މުނާސަބަތާ ގުޅިގެން، ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ޖޯޑަންގެ ރަސްގެފާނު އަބްދުالله ދެވަނައަށާއި، އެ ގައުމުގެ ބޮޑުވަޒީރު ޖައުފަރު ހައްސާނަށް ތަހުނިޔާ ފޮނުއްވައިފިއެވެ.

ޕީއެންސީއާ ގުޅޭގޮތުން ބައެއް ނޫސްތަކުން ފަތުރާ ޚަބަރުތަކަކީ، ޕާޓީގެ ތެރޭ ފިތުނަ އުފައްދައި ރައްޔިތުންނަށް އޮޅުވާލުމަށް ގަސްތުގައި ކުރަމުންދާ މަސައްކަތެއް ކަމަށް ބުނެ، ޕާޓީގެ އިސް ބޭފުޅުން ވަރުގަދަ ރައްދެއް ދެއްވައިފިއެވެ۔

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ޗައިނާގެ ޝާންޝީ ޕްރޮވިންސްގެ ލިއުޝެންޔޫ ކޯލް މައިންގައި ހިނގި ގޭސް އެކްސްޕްލޯޝަންގެ ހާދިސާއާ ގުޅިގެން، ޗައިނާގެ ރައީސް ޝީ ޖިންޕިންގަށް ތަޢުޒިޔާގެ މެސެޖެއް ފޮނުއްވައިފިއެވެ.

މާލެ ސިޓީގެ ބައެއް މިސްކިތްތަކުގެ ނަމާދުކުރާ އަޑު ތާޅަފިލިން ކަނޑާލަން އިސްލާމިކް މިނިސްޓްރީން އަންގާފައިވާ ކަމަށް ބުނެ، ދީނީ އިލްމުވެރިޔާ ޝެއިޚް އާދަމް ނިޝާން ބިން އަލީ އާދަމް ވަނީ ކަންބޮޑުވުން ފާޅުކުރައްވާފައެވެ. ނަމަވެސް މިނިސްޓަރ ޝަހީމް ވަނީ އެއީ ކަނޑައެޅިގެން ދޮގެއް ކަމަށް ވިދާޅުވެ އެ ވާހަކަތައް ދޮގުކުރައްވާފައެވެ.