ނޭޕާލްގެ ޖުމްހޫރީ ދުވަހުގެ މުނާސަބަތުގައި ރައީސުލްޖުމްހޫރިއްޔާ ތަހުނިޔާ ފޮނުއްވައިފި

ނޭޕާލްގެ ޖުމްހޫރީ ދުވަހުގެ ބަރަކާތްތެރި މުނާސަބަތާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެޤައުމުގެ ވެރިންނަށާއި ރައްޔިތުންނަށް ތަހުނިޔާ ވިދާޅުވެއްޖެއެވެ.

އެކްސް މެދުވެރިކުރައްވައި ރައީސުލްޖުމްހޫރިއްޔާ ފޮނުއްވި މެސެޖެއްގައި، ނޭޕާލްގެ ރައީސް ރާމްޗަންދްރަ ޕޯޑޭލް އަށާއި، ބޮޑުވަޒީރު ބަލެންދްރަ ޝާހް އަށާއި، އެޤައުމުގެ ސަރުކާރާއި އަދި އަވައްޓެރި ނޭޕާލްގެ ރައްޔިތުންނަށް ދުވަހުގެ ހެޔޮއެދުންތައް ވަނީ ފޮނުއްވާފައެވެ.

ރައީސުލްޖުމްހޫރިއްޔާގެ މެސެޖުގައި، މިއަދަކީ ނޭޕާލްގެ ރައްޔިތުން އެޤައުމުގެ ކުރިއެރުމަށާއި ތަރައްޤީއަށްޓަކައި ކޮށްފައިވާ ބުރަ މަސައްކަތްތަކާއި، އެޤައުމުގެ މުއްސަނދި ސަގާފަތާއި އަމިއްލަވަންތަކަން ދައްކުވައިދޭ ތާރީޚީ ދުވަހެއްކަން ފާހަގަކުރެއްވިއެވެ.

ދިވެހިރާއްޖެއާއި ނޭޕާލާ ދެމެދު އޮތް ގާތް ރަހުމަތްތެރި ގުޅުމަށް ރާއްޖެއިން އަބަދުވެސް ވަރަށް ބޮޑު އިސްކަމެއް ދޭކަމަށް ރައީސް ވިދާޅުވިއެވެ. އަދި ދެ ޤައުމުގެ ރައްޔިތުންގެ ލާބައާއި މަންފާއަށްޓަކައި ކުރެވޭ މަސައްކަތްތައް ކުރިއަށް އޮތް ތަނުގައިވެސް އިތުރުވެ، ދެޤައުމުގެ ދެމެދުގައި އޮތް ބަދަހި ގުޅުން އިތުރު ދާއިރާތަކަކުން ފުޅާވެގެންދާނެ ކަމަށް އުންމީދު ކުރައްވާ ކަމަށްވެސް އެމަނިކުފާނުގެ މެސެޖުގައި ވިދާޅުވެފައިވެއެވެ.