ނުކުޅެދުންތެރިކަން ހުންނަ ފަރާތްތަކުގެ ބަދަލުގައި ބެލެނިވެރިންނަށް ފްލެޓަށް ހުށަހެޅުމުގެ ފުރުސަތު ހުޅުވާލައިފި

ސަރުކާރުން ކުރިއަށްގެންދާ ބޯހިޔާވަހިކަމުގެ މަޝްރޫއުތަކުގެ ދަށުން، ޚާއްޞަ އިސްކަންދެވޭ ނުކުޅެދުންތެރިކަން ހުންނަ ފަރާތްތަކުގެ ކެޓަގަރީން ފްލެޓަށް އެދި ހުށަހެޅުމުގައި ބޮޑު ލުޔެއް ދީފިއެވެ.

ޚަބަރު 21 May 2026

މީދޫ ކައުންސިލް ރައީސް މަޤާމުގެ އިތުރުބުރުގެ ވޯޓުގައި ކެންޑިޑޭޓުންގެ މަންދޫބުން، އޮބްޒަރވަރުން އަދި މޮނީޓަރުންނަށްވުމުގެ ފުރުޞަތު ހުޅުވާލައިފި

ދ. މީދޫ ކައުންސިލް ރައީސް މަޤާމުގެ އިތުރުބުރުގެ ވޯޓުނެގުމާއި ވޯޓުގުނުމުގެ ކަންތައްތައް ހިނގާ، އެ ކެންޑިޑޭޓެއްގެ މަސްލަހަތު ހިމެނޭ ކޮންމެ މަރުކަޒަކަށް އެއް މަންދޫބަކު ޢައްޔަން ކުރުމުގެ ފުރުޞަތު ކޮންމެ ކެންޑިޑޭޓަކަށްވެސް ލިބިދެއެވެ.

ޚަބަރު 21 May 2026

ދުނިޔޭގެ ވިސްލްބްލޯވާ ދުވަހާ ގުޅުވައިގެން ކުރު ވީޑިއޯ މުބާރާތެއް ހުޅުވާލައިފި

ދުނިޔޭގެ ވިސްލްބްލޯވާ ދުވަސް ފާހަގަކުރުމުގެ ގޮތުން، ނޭދެވޭ ކަންކަމާއި ކޮރަޕްޝަނާ ދެކޮޅަށް އަޑުއުފުލުމުގެ މުހިންމުކަމާ ގުޅޭގޮތުން ހޭލުންތެރިކަން އިތުރުކުރުމަށް ވިސްލްބްލޯވަރ ޕްރޮޓެކްޝަން ޔުނިޓް (ޑަބްލިއު.ބީ.ޕީ.ޔޫ) އިން ކުރު ވީޑިއޯ މުބާރާތެއް އިއުލާނުކޮށްފިއެވެ.

ޚަބަރު 21 May 2026

ޖުޑީޝަލް ސަރވިސް ކޮމިޝަނުގެ މެންބަރުކަމަށް ޢަލީ ނަޞީރު ޢައްޔަން ކުރައްވައިފި

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ޖުޑީޝަލް ސަރވިސް ކޮމިޝަންގެ މެންބަރުކަމަށް، ދަފްތަރު ނަންބަރު ރސ 535، އަލްއުސްތާޛު ޢަލީ ނަޞީރު ޤާސިމް މިއަދު ޢައްޔަން ކުރައްވައިފިއެވެ.

ޚަބަރު 21 May 2026

އިނގިރޭސިވިލާތުން ދިވެހި މަހުގެ ޓެރިފް ކަނޑައިލުމުން ޕީއެންސީއިން ރައީސް މުޢިއްޒަށް މަރުޙަބާ ދަންނަވައިފި

އިނގިރޭސިވިލާތަށް އެކްސްޕޯޓުކުރާ މަހުގެ އުފެއްދުންތަކުން ޓެރިފް ކަނޑައިލަން ނިންމުމާ ގުޅިގެން، ރައީސް ޑރ. މުޢިއްޒަށާއި ސަރުކާރަށް ޕީއެންސީން މަރުޙަބާ ކިޔައިފިއެވެ. ޕީއެންސީން ބުނީ މިއީ މަސްވެރިކަމުގެ ސިނާއަތް ކުރިއަރުވައި، މަސްވެރިންނަށް ރަނގަޅު އާމްދަނީއެއް ހޯދައިދިނުމަށް ރައީސް ކުރައްވާ މަސައްކަތްޕުޅަށް ލިބުނު ބޮޑު ކާމިޔާބީއެއް ކަމަށެވެ. މި ނިންމުމުގެ ސަބަބުން ރާއްޖޭގެ މަސްވެރިކަމަށް އައު ފުރުޞަތުތަކެއް ހުޅުވި، އިޤްތިޞާދަށް ކުރިއެރުން ލިބޭނެކަން އެ ޕާޓީން ފާހަގަކުރެއެވެ.

ޚަބަރު 20 May 2026

ގައުމީ ޚިދުމަތްތެރިޔާ އަބްދުﷲ ޖަލީލް އަވަހާރަވުމާ ގުޅިގެން ރައީސް ތައުޒިޔާ ފޮނުއްވައިފި

ދިވެހި ދައުލަތަށް 46 އަހަރަށްވުރެ ގިނަ ދުވަހު އިޚްލާޞްތެރި ޚިދުމަތްތަކެއް ކުރެއްވި ނޫރަންވިލާ އަބްދުﷲ ޖަލީލް އަވަހާރަވުމާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތައުޒިޔާ ވިދާޅުވެއްޖެއެވެ.

ޚަބަރު 20 May 2026

ސްޓޭޓްފާމާ އައިޖީއެމްއެޗް ފާމަސީގެ ޚިދުމަތް ރަސްމީކޮށް އިފްތިތާޙްކޮށްފި

ރައްޔިތުންނަށް ފޯރުކޮށްދޭ ސިއްޙީ ޚިދުމަތްތައް އިތުރަށް ހަރުދަނާކޮށް ފުޅާކުރުމަށް ސަރުކާރުން ކުރަމުންދާ މަސައްކަތުގެ ދަށުން، "ސްޓޭޓްފާމާ އައިޖީއެމްއެޗް" ފާމަސީ ރަސްމީކޮށް ހުޅުވައިފިއެވެ. އިންދިރާ ގާންދީ މެމޯރިއަލް ހޮސްޕިޓަލް )އައިޖީއެމްއެޗް( ގެ އޯޕީޑީ ސަރަހައްދުގައި ހުޅުވުނު މި ފާމަސީއަކީ ސްޓޭޓްފާމާ ކުންފުނީގެ ދަށުން ހުޅުވުނު ފުރަތަމަ ފާމަސީއެވެ.

ޚަބަރު 20 May 2026

އިޓަލީގެ ޑައިވަރުން ހޯދަން ފީނުމުގެ ތެރޭގައި ނިޔާވި މަހުދީގެ މަރުގެ ހާދިސާ ފުލުހުން ތަހުގީގުކުރަނީ

ފުލުހުން ބުނީ 2026 މެއި 16 ވަނަ ދުވަހު ކުރިއަށް ގެންދިޔަ ސަރޗް އޮޕަރޭޝަންގައި ސާޖަންޓް ފަސްޓް ކްލާސް މުޙައްމަދު މަހުދީ ނިޔާވި ހިތާމަވެރި ހާދިސާ ހިނގަން މެދުވެރިވި ގޮތް ފުލުހުން ގެންދަނީ ބަލަމުންނެވެ.

ޚަބަރު 20 May 2026

ދުނިޔޭގެ ޞިއްޙީ ނިޒާމު ހަރުދަނާކުރުމަކީ އެންމެންގެ ޒިންމާއެއް- މިނިސްޓަރ ޤީލާ

މި ގޮވާލުން އިއްވާފައިވަނީ ދުނިޔޭގެ ޞިއްޙަތު ޖަމްޢިއްޔާގެ އާންމު ބަހުސްގައި މި ސަރަހައްދުގެ މެންބަރު ޤަޢުމުތަކުގެ ފަރާތުން ދިވެހިރާއްޖޭގެ ޞިއްޙީ ވަޒީރު ޤީލާ ޢަލީ އިއްވެވި ބަޔާނުގައެވެ۔

ޚަބަރު 20 May 2026

"ކޯ.ލެބް 26"ގެ ފުރަތަމަ ދެ ދުވަސް ކާމިޔާބުކަމާއެކު ނިންމާލައިފި

މައިންޑްކޯ އިން މައުލޫމާތުދޭ ގޮތުގައި އާރޓިފިޝަލް އިންޓެލިޖަންސް )އޭއައި( އާއި ޑިޖިޓަލް އިންގިލާބުގެ ބޭނުން ހިފައިގެން، ދައުލަތުގެ ޚިދުމަތްތައް އާ ހަރުފަތަކަށް ގެންދިއުމަށް މައިންޑްކޯ އާއި ބޭންކް އޮފް މޯލްޑިވްސް ގުޅިގެން މި މަހުގެ 18 އިން 21 އަށް ކުރިއަށްގެންދާ "ކޯ.ލެބް 26" ގައުމީ ހަރަކާތުގެ ފުރަތަމަ ދެ ދުވަހުގެ ސެޝަންތައް ކާމިޔާބުކަމާއެކު ވަނީ ނިންމާލާފައެވެ.

ޚަބަރު 20 May 2026

އިނގިރޭސިވިލާތުން ދިވެހިރާއްޖޭގެ ކަނޑުމަހުގެ އުފެއްދުންތަކުން ނަގަމުންދިޔަ ޓެރިފް ކަނޑާލައިފި

މިހާތަނަށް، އިނގިރޭސިވިލާތުގެ ބާޒާރަށް ކަނޑުމަހުގެ ބާވަތްތައް އެންމެ ގިނައިން އެތެރެކުރާ ދިހަ ގައުމުގެ ތެރެއިން ހަތް ގައުމު ކަމަށްވާ އިކުއެޑޯ، މޮރިޝަސް، ސީޝެލްސް، ގާނާ، ފިލިޕީންސް، ސްޕެއިން އަދި ނެދަލޭންޑްސްއަށް އެއްވެސް އިމްޕޯޓް ޑިއުޓީއަކާއި ނުލައި ކަނޑުމަހުގެ އުފެއްދުންތައް އެތެރެކުރެވެމުން ދިޔައިރު ރާއްޖޭގެ އުފެއްދުންތަކަށް 20 އިންސައްތައިގެ ޓެރިފެއް ދައްކަން ޖެހުމަކީ ދިވެހި އުފެއްދުންތަކަށް އޮތް ބޮޑު ގޮންޖެހުމެކެވެ.

ޚަބަރު 20 May 2026

ދިވެހިރާއްޖެއިން އިނގިރޭސިވިލާތަށް ބޭރުކުރާ މަހަށް ނަގާ ޓެރިފް ކަނޑާލުމަކީ ދިވެހި މަހުގެ ބާވަތްތަކަށް އިނގިރޭސިވިލާތުގެ ބާޒާރުގައި ފުރުސަތުތައް ފަހިވެގެންދާނެ ކަމެއް ކަމުގައި ރައީސުލްޖުމްހޫރިއްޔާ ވިދާޅުވެއްޖެ

ރައީސުލްޖުމްހޫރިއްޔާގެ ޕޯސްޓުގައި، 2026މޭ 20 އިން ފެށިގެން، ކަނޑުމަހުގެ އިމްޕޯޓް ޑިއުޓީ ނުވަތަ ޓެރިފް ކަނޑާލުމަށް އިނގިރޭސިވިލާތުން ނިންމި ނިންމުމަށް ވަނީ ހޫނު މަރުޙަބާއެއް ދަންނަވާފައެވެ. އަދި މި މުހިންމު ނިންމުމުގެ ސަބަބުން އިނގިރޭސިވިލާތުގެ ކޮންސިއުމަރުންނަށް ލުއިތަކެއް ލިބިގެންދާނެ ކަމަށާއި މިއީ ދިވެހިރާއްޖޭގެ މަސްވެރިކަމުގެ ދާއިރާއަށްވެސް ބޮޑެތި ފައިދާތަކެއް ކުރާނެ ނިންމުމެއް ކަމުގައި ރައީސުލްޖުމްހޫރިއްޔާ ވިދާޅުވިއެވެ.

ޚަބަރު 20 May 2026

ރާއްޖެއިން "ޓްރިޕަލް އެލިމިނޭޝަން' ހާސިލުކުރުމުން ޑަބްލިއުއެޗްއޯއިން ހަނދަނީ ފިލާ އަރުވައިފި

ޚަބަރު 19 May 2026

ކަނޑުމަގުން ރާއްޖެއަށް ސިއްރުން އެތެރެކުރަން އުޅުނު 2،304،200 ސިނގިރޭޓު ސްޓިކްސް ކަސްޓަމްސްއިން އަތުލައިގެންފި.

މި ތަކެތި އަތުލައިގަނެފައިވަނީ، ރާއްޖެއަށް ކަނޑުމަގުން ގެނައި ޝިޕްމެންޓެއްގައި ފޮރުވައިގެން ސިނގިރޭޓް އެތެރެކުރަން އުޅޭކަމަށް ލިބުނު މަޢުލޫމާތަކާ ގުޅިގެން، 2026 މެއި 14 އަދި 15 ވަނަ ދުވަހު ކަސްޓަމްސްއިން ހިންގި ޚާއްސަ އޮޕަރޭޝަނެއްގައެވެ.

ޚަބަރު 19 May 2026

ރާއްޖެއަށް މުދާ އަންނަ ހިސާބުން ފެށިގެން، މުދަލުގެ ލިޔެކިއުން ނިންމާ، ބަނދަރުން މުދާ ދޫކުރުމާ ހަމައަށް ހޭދަވާ ވަގުތުތައް ދެނެގަތުމަށްޓަކައި ހެދުނު ދެވަނަ "ޓައިމް-ރިލީސް ސްޓަޑީ 2025" ރިޕޯޓް މިއަދު އިފްތިތާހްކޮށްފި.

މިއަދު ހެނދުނު ކަސްޓަމްސް ބިލްޑިންގ ގައި ބޭއްވުނު ޚާއްސަ ރަސްމިއްޔާތެއްގައި މި ދިރާސާގެ ރިޕޯޓް އިފްތިތާހްކޮށްދެއްވީ ދިވެހިރާއްޖެއަށް އިނގިރޭސި ވިލާތުން ކަނޑައަޅުއްވާފައި ހުންނަވާ ސަފީރު ނިކް ލޯ އާއި ކޮމިޝަނަރ ޖެނެރަލް ފާތިމަތު ދިޔާނާއެވެ.

ޚަބަރު 19 May 2026

ސަރުކާރުގެ ހަމައެކަނި އަމާޒަކީ ޑިޖިޓަލައިޒޭޝަން ނޫން، ވިސްނުން އެއަށްވުރެ ފުޅާ: އިޙްސާން

މި ރަސްމިއްޔާތުގައި ވާހަކަ ދައްކަވަމުން ވަޒީރު ވިދާޅުވީ، ސަރުކާރުގެ ހަމައެކަނި އަމާޒަކީ ޑިޖިޓަލައިޒޭޝަން ނޫންކަމަށާއި އެއަށްވުރެ ފުޅާ ވިސްނުންތެރި ދައުލަތެއް ބިނާކުރުމަކީ މިމަސައްކަތުގެ އަމާޒެއް ކަމަށެވެ.

ޚަބަރު 19 May 2026

ފުވައްމުލަކުގައި ގާއިމްކުރި "ލިވިންގ ލެބް" އަދި މަލްޓި ހަޒާޑް އަރލީ ވަރނިންގް ސިސްޓަމް ލޯންޗުކޮށްފި

ޑީމެޑް ޕްރޮޖެކްޓްގެ ދަށުން ފުވައްމުލައް ސިޓީގައި ކުރިއަށް ގެންދިޔަ ޕައިލެޓް ޕްރޮޖެކްޓެއް ކަމަށްވާ މަލްޓި ހަޒާރޑް އަރލީ ވަރނިންގް ސިސްޓަމްގެ މަސައްކަތް ނިންމައި، މި ޕްރޮޖެކްޓްގެ ދަށުން ޤާއިމްކުރި ލިވިންގ ލެބް ވަނީ ހުޅުވާފައެވެ.

ޚަބަރު 19 May 2026

ސީޝެލްސްގެ ޚާރިޖީ ވަޒީރު ދިވެހިރާއްޖެއަށް ކުރެއްވި ރަސްމީ ދަތުރުފުޅު ނިންމަވާލެއްވުމަށްފަހު ފުރާވަޑައިގެންފި

މި ދަތުރުފުޅުގައި ސީޝެލްސް ގެ ޚާރިޖީ ވަޒީރު ބެރީ ފޯރ ވަނީ، ދިވެހިރާއްޖޭގެ ޚާރިޖީ ވަޒީރު އިރުތިޝާމް އާދަމްއާ ބައްދަލުކުރައްވައި، ދެ ޤައުމުގެ ދެމެދު އޮތް ގުޅުން އިތުރަށް ބަދަހިކުރުމާ ގުޅޭގޮތުން މަޝްވަރާ ކުރައްވާފައެވެ. އަދި ވަކީން ހާއްސަކޮށް، ފަތުރުވެރިކަމުގެ ދާއިރާއިންނާއި، ވިޔަފާރިއާއި އިންވެސްޓްމަންޓްގެ ދާއިރާއިން، އަދި މޫސުމަށް އަންނަ ބަދަލުތަކާ ދެކޮޅަށް ކުރާ މަސައްކަތްތަކުގެ އިތުރުން ދެ ޤައުމުގެ ރައްޔިތުންގެ މެދުގައި އޮންނަ ގުޅުން އިތުރަށް ބަދަހިކުރުމާ ގުޅޭގޮތުން މަޝްވަރާ ކުރެއްވިއެވެ. އަދި މީގެ އިތުރުން، ކުދި ޖަޒީރާ ޤައުމުތަކުގެ ހައިސިއްޔަތުން ސަރަހައްދީ އަދި ބައިނަލްއަޤުވާމީ މައިދާނުގައި ގުޅިގެން މަސައްކަތް ކުރުމާއި ގުޅޭގޮތުންވެސް ދެ ވަޒީރުން ޚިޔާލު ބަދަލުކުރެއްވިއެވެ.

ޚަބަރު 19 May 2026

މިނިސްޓަރ އޮފް ފޮރިން އެފެއާޒްގެ އަރިހަށް ސިންގަޕޫރުގެ ސަފީރު ވަދާޢީ ޒިޔާރަތެއް ކުރައްވައިފި

މިނިސްޓްރީ އޮފް ފޮރިން އެފެއާޒުގައި މިއަދު ބޭއްވި މިބައްދަލުވުމުގައި ވާހަކަ ދައްކަވަމުން ޚާރިޖީ ވަޒީރު އިރުތިޝާމް އާދަމްް ވަނީ ސަފީރު ސޫ ކޮކް ލެންގްގެ ސަފީރުކަމުގެ ދައުރުގައި އެމަނިކުފާނު ކޮށްދެއްވާފައިވާ މުހިއްމު މަސައްކަތްތައް ފާހަގަ ކުރައްވައި، ދިވެހިރާއްޖެއާއި ސިންގަޕޫރާއިއެކު އޮންނަ ޒަމާންވީ ގާތްގުޅުން ކުރިއެރުވުމަށްޓަކައި އެމަނިކުފާނު ދެއްވި އެހީތެރިކަމާއި އެއްބާރުލުމަށް ޝުކުރުއަދާކުރައްވާފައެވެ. އަދި ސިންގަޕޫރުން ރާއްޖެއަށް އަބަދުވެސް ދެއްވާ އެހީތެރިކަމާއި އެއްބާރުލުން ފާހަގަކުރައްވާ އެކަމަށް އެކަމަނާ ޝުކުރުއަދާކުރެއްވިއެވެ. އަދި ތަރައްޤީވަމުން އަންނަ ކުދި ޖަޒީރާ ޤައުމުތަކަށް ދިމާވާއެކި މައްސަލަތަކުގައި ދިވެހިރާއްޖެއާއި ސިންގަޕޫރާއި ގާތްކޮށް މަސައްކަތްކުރާކަން އެކަމަނާ ފާހަގަ ކުރެއްވިއެވެ.

ޚަބަރު 19 May 2026

އިޓަލީގެ ދެ ފަތުރުވެރިންގެ ހަށިގަނޑު ނަގައިފި

ދިވެހި ސަރުކާރުގެ ތަރުޖަމާނު މުހައްމަދު ހުސައިން ޝަރީފް ބީބީސީއަށް ވިދާޅުވީ، ފިންލޭންޑުގެ ހާއްސަ ޑައިވަރުންގެ ޓީމަކުން ދެ ގަޑިއިރުގެ އޮޕަރޭޝަނަކަށްފަހު، އެ ދެ މީހުންގެ ހަށިގަނޑު ނަގާފައިވަނީ ކަނޑުއަޑީގެ ހޮހަޅައިގެ ތިންވަނަ ބައިން )ޗޭމްބަރުން( ކަމަށެވެ.

ޚަބަރު 19 May 2026