ޔުނިސެފްގެ ސައުތު އޭޝިއާގެ ރީޖަނަލް ޑިރެކްޓަރ މިނިސްޓަރ ޠާރިޤު އިބްރާހީމްއާ ބައްދަލުކުރައްވައިފި
ޔުނިސެފްގެ ސައުތު އޭޝިއާގެ ރީޖަނަލް ޑިރެކްޓަރ މިސްޓަރ ސަންޖޭ ވިޖެސެކެރާ މިއަދު އެންވަޔަރަންމަންޓް މިނިސްޓަރ ޠާރިޤު އިބްރާހީމްއާ ބައްދަލުކުރައްވައިފިއެވެ.
މި ބައްދަލުކުރެއްވުމުގައި މައިގަނޑު ގޮތެއްގައި މަޝްވަރާކުރެއްވީ ތިމާވެށީގެ މައްސަލަތަކާއި މޫސުމަށް އަންނަ ބަދަލުތަކާ ގުޅޭ ކަންކަމުގައި ޒުވާނުންނާއި ކުޑަކުދިންގެ ބައިވެރިވުން އިތުރުކުރުމާ ބެހޭގޮތުންނެވެ.
މި ބައްދަލުކުރެއްވުމަކީ ޔުނިސެފްގެ ފަރާތުން މިނިސްޓަރ ޠާރިޤު އިބްރާހީމްއަށް އިޙްތިރާމް އަދާކުރެއްވުމުގެ ގޮތުން ކުރެއްވި ބައްދަލުކުރެއްވުމެކެވެ. މި ބައްދަލުކުރެއްވުމުގައި ދެ ފަރާތުން ވެސް ފާހަގަކުރެއްވީ ތިމާވެށި ރައްކާތެރިކުރުމާއި މޫސުމަށް އަންނަ ބަދަލުތަކާ ގުޅޭ މަސައްކަތްތަކުގައި ޒުވާނުންނާއި ކުޑަކުދިންގެ ދައުރު މުހިންމުކަމެވެ.
މި ބައްދަލުކުރެއްވުމުގައި ކުރިއަށް އޮތް ތަނުގައި މި ދާއިރާއިން ދެ ފަރާތުގެ މެދުގައި އިތުރަށް މަސައްކަތްކުރުމަށް އެއްބަސްވެވަޑައިގަތެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
