މުދަލު ޒަކާތުގެ ގޮތުގައި ބޮލަކަށް 5،500 ރުފިޔާ ބަހައިފި
މޯލްޑިވްސް ޒަކާތު ހައުސްއިން މި އަހަރުގެ މުދަލު ޒަކާތުގެ ފައިސާ ބަހައި ނިންމާލައިފިއެވެ. މި އަހަރު މުދަލު ޒަކާތުގެ ގޮތުގައި ބޮލަކަށް 5،500 ދިވެހި ރުފިޔާ ބަހާފައިވާ ކަމަށް އެ އިދާރާއިން މިއަދު ވަނީ ހާމަކޮށްފައެވެ.
ޒަކާތު ހައުސްއިން މަޢުލޫމާތު ދެއްވި ގޮތުގައި، މި އަހަރުގެ ހައްޖުމަހުގެ 1 ވަނަ ދުވަހާ ހަމައަށް ފަޤީރުންނާއި މިސްކީނުންގެ ދަފުތަރުގައި ރަޖިސްޓަރީވެފައިވާ ޖުމުލަ 2،384 މީހުންނަށް ވަނީ ޒަކާތުގެ ފައިސާ ޖަމާކޮށްދީފައެވެ. މިގޮތުން ޖުމުލަ 13,112,000 (ތޭރަ މިލިއަން އެއްލައްކަ ބާރަހާސް) ދިވެހި ރުފިޔާ ވަނީ ބަހާފައެވެ.
މި އަހަރު ބޮލަކަށް ޖެހުނު 5،500 ރުފިޔާއަކީ މިދިޔަ އަހަރާ އަޅާބަލާއިރު އިތުރު އަދަދެކެވެ. މިއީ ރާއްޖޭގައި މިހާތަނަށް މުދަލު ޒަކާތުގެ ގޮތުގައި ބޮލަކަށް ޖެހުނު އެންމެ ބޮޑު އަދަދުކަންވެސް ފާހަގަކުރެވެއެވެ. ވޭތުވެދިޔަ 2025 ވަނަ އަހަރު މުދަލު ޒަކާތުގެ ގޮތުގައި ބަހާފައިވަނީ ބޮލަކަށް 5،000 ދިވެހި ރުފިޔާއެވެ.
މުދަލު ޒަކާތަކީ އިސްލާމްދީނުގެ ރުކުންތަކުގެ ތެރެއިން ރުކުނަކަށް ވާއިރު، މި ފައިސާ ފަޤީރުންނަށް ބެހުމުގެ މައިގަނޑު މަޤްސަދަކީ މުޖުތަމަޢުގައި ތިބި ނިކަމެތިންނަށް އެހީތެރިކަން ފޯރުކޮށްދީ، އިޖުތިމާޢީ ޢަދުލުވެރިކަން ޤާއިމުކުރުމެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން އުފައްދާފައިވާ މޯލްޑިވްސް ޒަކާތު ހައުސްއިން އަންނަނީ ޒަކާތުގެ ނިޒާމު ހަރުދަނާކޮށް، ފަޤީރުންގެ ދަފުތަރު އަދާހަމަކުރުމުގެ މަސައްކަތް ވަރަށް އިސްކަމެއް ދީގެން ކުރަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
