ރާއްޖޭގެ ފެނުގެ ދާއިރާ ހަރުދަނާކުރުމަށް އިސްތަންބޫލާއެކު އެމްއޯޔޫއެއްގައި ސޮއިކޮށްފި
ރާއްޖޭގެ ފެނުގެ ދާއިރާ ހަރުދަނާކުރުމަށް އިސްތަންބޫލާއެކު އެމްއޯޔޫއެއްގައި ސޮއިކޮށްފިއެވެ.
މިއަދު މޫސުމީ ބަދަލުތަކާއި ތިމާވެއްޓާ ހަކަތައާއި ބެހޭ ވުޒާރާއާއި އިސްތަންބޫލް މެޓްރޮޕޮލިޓަން މުނިސިޕަލިޓީއާ ދެމެދު ވަނީ ރާއްޖޭގެ ފެނުގެ ދާއިރާ ހަރުދަނާކުރުމަށްޓަކައި މެމޮރެންޑަމް އޮފް އަންޑަސްޓޭންޑިންގ (އެމްއޯޔޫ) އެއްގައި ސޮއިކޮށްފައެވެ. މި ސޮއިކުރުން ކުރިއަށް ގެންގޮސްފައިވަނީ އޮންލައިންކޮށެވެ.
މި އެމްއޯޔޫގެ ދަށުން ރާއްޖޭގެ ފެނުގެ ދާއިރާ ކުރިއެރުވުމަށް ދެ ފަރާތުން މަސައްކަތްކުރާނެ ކަމަށް ބެލެވެއެވެ. އިސްތަންބޫލް މެޓްރޮޕޮލިޓަން މުނިސިޕަލިޓީއަކީ ފެނުގެ ދާއިރާގައި ގިނަ ތަޖުރިބާތަކެއް ލިބިފައިވާ ފަރާތަކަށްވާތީ، އެ ފަރާތުގެ ތަޖުރިބާއާއި ހުނަރު ރާއްޖެއަށް ލިބިގެންދާނެ ކަމަށް އުއްމީދުކުރެވެއެވެ.
މި އެއްބަސްވުމުގެ ސަބަބުން ރާއްޖޭގެ ފެނުގެ ދާއިރާއަށް އިތުރު ކުރިއެރުންތަކެއް ލިބި، ފެނުގެ ޚިދުމަތް އިތުރަށް ރަނގަޅުވެގެންދާނެ ކަމަށް ބެލެވެއެވެ. އަދި މިކަމުގެ ސަބަބުން ރާއްޖޭގެ ރައްޔިތުންނަށް މި ދާއިރާއިން ލިބޭ ޚިދުމަތްތައް އިތުރަށް ފުޅާވެގެންދާނެ ކަމަށްވެސް ލަފާކުރެވެއެވެ. ތުރުކީގެ ފަންނީ ތަޖުރިބާއާއި ހުނަރު ރާއްޖޭގެ ފެނުގެ ދާއިރާއަށް ލިބިގެންދިއުމަކީ މި ދާއިރާގެ ކުރިމަގަށް ވަރަށް ބޮޑު ކުރިއެރުމެއް ލިބިގެންދާނެ ކަމެއްކަމަށް ވުޒާރާއިން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
