ބަޙްރެއިން އަދި ކުވޭތުގެ އާއްމުން ދިރިއުޅޭ ތަންތަނާއި މުހިއްމު އިންފްރާސްޓްރަކްޗާތަކަށް މިސައިލާއި ޑްރޯން އިން ދިން ހަމަލާތައް ދިވެހި ސަރުކާރުން ކުށްވެރިކޮށްފި

ބަޙްރެއިން އަދި ކުވޭތުގެ އާއްމުން ދިރިއުޅޭ ތަންތަނާއި މުހިއްމު އިންފްރާސްޓްރަކްޗާތަކަށް މިސައިލާއި ޑްރޯން އިން ދިން ހަމަލާތައް ދިވެހި ސަރުކާރުން އެންމެ ހަރުކަށި އިބާރާތުން ކުށްވެރިކޮށްފިއެވެ.

ސަރުކާރުން ނެރުނު ބަޔާނުގައި ބުނީ ދިވެހިރާއްޖޭން ދެކޭގޮތުގައި މި ހަމަލާތަކަކީ ބަޙްރެއިން އަދި ކުވޭތުގެ ސިޔާދަތަށް ހުރަސްހެޅި އަދި ސަރަހައްދީ ހަމަޖެހުމަށް ނުރައްކާ ތެރިކަމެއްގެ ގޮތުގައެވެ. ދިވެހިރާއްޖޭން އަބަދަވެސް ބަޙްރެއިން އަދި ކުވޭތާ އެކުގައި ވާ ކަމަށާއި އެ ދެގައުމުގެ ސިޔާދަތު ރައްކާތެރި ކުރުމަށާއި ސަރަހައްދުގެ ސަލާމަތާ ރައްކާތެރިކަމަށް އަޅާ ހުރިހާ ފިޔަވަޅުތަކަކަށް ދިވެހިރާއްޖޭން ފުރިހަމައަށް ތާއީދު ކުރާނެ އެވެ.

އެ ސަރަޙައްދުގެ ސުލްހަޔާއި، ހަމަޖެހުމާއި، އަދި ރައްކާތެރިކަން އަލުން ޤާއިމުކުރުމަށްޓަކައި، ވަގުތުން ހަމަލާތައް ހުއްޓާލުމަށް ބައިނަލްއަޤްވާމީ މުޖުތަމަޢުން ކުރަމުންދާ ސިޔާސީ އަދި ޚާރިޖީ މަސައްކަތްތައް އިތުރަށް ވަރުގަދަކުރުމަށް ދިވެހި ސަރުކާރުން ގޮވާލާ ކަމަށެވެ.

ބުދަ ދުވަހުގެ ވަގުތެއްގައި އީރާނުން ކުވައިތާއި ބަހްރެއިންއަށް މިސައިލް ފޮނުވާފައިވާ އިރު، އެމެރިކާއިން ވަނީ އީރާނުގެ ޤަޝްމް އައިލެންޑަށް ހަމަލާދީފަ އެވެ.

މި ހަމަނުޖެހުން ފެބްރުއަރީ މަހުގެ ފަހުކޮޅު ފެށުނު ފަހުން އީރާނުން ވަނީ އެމެރިކާގެ އަސްކަރީ މަރުކަޒުތައް ހުންނަ ގަލްފް ހުރަސްކޮށް ގައުމުތަކަށް ތަކުރާރުކޮށް އަމާޒުކޮށްފަ އެވެ. ޕާކިސްތާނުން މެދުވެރިވެގެން ވަގުތީ ގޮތުން ހަނގުރާމަ ހުއްޓާލުމަށް އޭޕްރީލް 8 ވަނަ ދުވަހު އަމަލުކުރަން ފެށުމުން ހަތިޔާރު އެޅި ޢަދާވާތްތެރިކަން ބޮޑުތަނުން ފިލައިގެން ގޮސްފައިވީ ނަމަވެސް އެންމެ ފަހުން ކުރިމަތިވި ފްލޭއާ އަޕްގެ ސަބަބުން ފުރިހަމަ ހަނގުރާމަތައް އަލުން ފެށިދާނެ ކަމުގެ ބިރު ވަނީ އުފެދިފައެވެ.