މިހާރު ރާއްޖެއަށް ކުރަމުންދާ ވިއްސާރައިގައި ހއ އަތޮޅުގެ 7 ރަށަކަށް ގެއްލުންތަކެއް

މިހާރު ރާއްޖެއަށް ކުރަމުންގެންދާ ވިއްސާރަގައި މިހާތަނަށް ހއ. އަތޮޅުގެ 7 ރަށެއްގައި ފެންބޮޑުވެ އެރަށްތަކަށް އެކިވަރުގެ ގެއްލުންތައް ވަމުންދާކަމުގައި ކައުންސިލްތަކުން ބުނެފިއެވެ.

އެގޮތުން އިއްޔެ އިން ފެށިގެން ވެހެމުންދާ ވާރޭ އަދިވެސް ހުއްޓާނުލާ ވެހުމުގެ ސަބަބުން ހޯރަފުށި، އިހަވަންދޫ ،ދިއްދު، ބާރަށް ، ކެލާ، މުރައިދޫ، މާރަންދޫ މިރަށްރަށުގައި ފެންބޮޑުވެ މީހުންގެ ގެދޮރަށާއި މުދަލަށް ގެއްލުން ލިބެމުން ދާކަމުގައި އެރަށްރަށުގެ ކައުންސިލްތަކުން ވަނީ މަޢުލުމާތު ދީފައެވެ. ހޯރަފުއްޓާއި އިހަވަންދޫ ދިއްދޫ އަދި ކެލާގަައި ބޮޑުވެފައިވާ ފެންގަނޑު އަދިވެސް އެއްކޮށްވަނީ ހިންދާ ނުލެވިފައެވެ. އެމް.އެން.ޑީއެފްގެ ރެސްކިއު ޓީމެއް ހއ. އަތޮޅަަށް މިހާރުދަނީ ދަތުރު ކުރައްވަމުންނެވެ.

ހއ. ހޯރަފުށީގެ ދެކުނު ސަރަހައްދުގައި ފެންބޮޑުވުމުގެ ސަަބަބުން 6 ގެއަކަށް ފެންވަނުމުގެ ސަބަބުން އެ 6 އާާއިލާ ރަށްކާތެރި ހިސާބަކަށް ބަދަލުކުރުމުގެ މަސައްކަތް އެރަށު ކައުންސިލުން މިހާރުކުރަމުން ގެންދަވާކަމަށްް ވަނީ ވިދާޅުވެފައެވެ.

ހއ. އަތޮޅުގެ ރަށްތަކަކަށް މިހާރުކުރަމުންގެންދާ ވިއްސާރާގައި އެހިތެރިކަން ފޯރުކޮށްދެވިދާނެ ގޮތްތަކާއި ގުޅޭގޮތުން މިއަދު ހެދުނު ވަނީ ސިޓީސް މިނިސްޓަރ އާދަމް ޝަރިފާއި ބާރަށު ދާއިރާގެ މެންބަރު އިބްރާހިމް ޝުޖާއު މަޝްވަރާ ކުރަށްވާފައެވެ.