ޢައްޒާގެ ސްކޫލަކަށް ދިން ހަމަލާގައި އިޒްރާއީލް ޖަވާބުދާރީ ކުރުވަން ޖެހޭ - ރައީސް މުއިއްޒު
ޢައްޒާގެ ސްކޫލަކަށް އަމާޒުކޮށް އިޒްރާއީލް ސިފައިން ދިން ހަމަލާގައި އިޒްރާއީލް ޖަވާބުދާރީ ކުރުވަން ޖެހޭކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ރައީސް އެކސް ގައި މކިއަދު ކުރި ޕޯސްޓެއްގައި ވިދާޅުވީ ޢައްޒާގެ ސްކޫލަކަށް އަމާޒުކޮށް އިޒްރާއީލް ސިފައިން ދިން ހަމަލާގައި އިޒްރާއީލް ޖަވާބުދާރީ ކުރުވަން ޖެހޭކަމަށާއި އަދި އެ ހަމަލާ ތަހުގީގުކޮށް، ބައިނަލްއަޤްވާމީ ފަރާތްތަކުން އިޒްރާއީލް ޖަވާބުދާރީ ކުރުވަން ޖެހޭނޭ ކަމަށެވެ. ރައީސް ގެ ޕޯސްޓްގައި އިތުރަށް ވިދާޅުވީ އިޒްރާއީލްގެ އަނިޔާވެރި މި ހަމަލާގެ ސަބަބުން ފަލަސްތީނުގެ ކުޑަކުދިންނާއި މުސްކުޅިންނާއި އާއްމުންނަށް ލިބުނު ހިތްދަތި މަންޒަރުތައް ފެނިވަޑައިގަންނަވާކަމަށެވެ.
ރައީސް ވިދާޅުވީ މިދިޔަ އަހަރުގެ އޮކްޓޯބަރުމަހުން ފެށިގެން އިޒްރާއީލުން ފަށަފައިވާ ހަމަލާތަކުގައި މިހާތަނަށް ފަލަސްތީނުގެ 39،000 އަށްވުރެ ގިނަ މީހުން ޝަހީދުކޮށްލާފައިވާކަމަށެވެ. މިގޮތުން މި ހަމަލާތައް ހުއްޓުވަން އިޒްރާއީލުން އެއްވެސް މަސައްކަތެއް ކުރަމުންދާކަން ފާހަގަ ނުކުރެވޭކަމަށް ރައީސް ވަނީ ވިދާޅުވެފައެވެ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
