ފްލެޓާއި ގޯތި އެޕްލިކޭޝަންގެ މުއްދަތު ޖޫން 15 އަށް އިތުރުކޮށްފި
މިނިސްޓްރީ އޮފް އިންފްރާސްޓްރަކްޗަރ، ހައުސިންގ އަދި އާބަން ޑިވެލޮޕްމަންޓުން “ބޯހިޔާވަހިކަން އެންމެންނަށް” ސިޔާސަތުގެ ދަށުން ހިންގާ ޕްރޮގްރާމުތަކުގެ ދަށުން މާލެ ސަރަހައްދުން ފްލެޓާއި ގޯތިތަކަށް އެދި އެޕްލިކޭޝަން ހުށަހެޅުމުގެ މުއްދަތު 2026 ޖޫން 15 ގެ 23:59 އަށް އިތުރުކޮށްފިއެވެ.
މިނިސްޓްރީން ބުނީ، މި ޕްރޮގްރާމުތަކާ ގުޅޭ މަޢުލޫމާތު ފޯރުކޮށްދިނުމަށް ޤާއިމުކޮށްފައިވާ ކޯލް ސެންޓަރު، ކުރިއަށް އޮތް އަޟްޙާ ޢީދު ބަންދުގައި މެދުކަނޑާލެވޭނެ ކަމަށެވެ.
އަދި ޢީދު ބަންދަށްފަހު، 2026 މޭ 31 ވާ އާދިއްތަ ދުވަހުން ފެށިގެން ކޯލް ސެންޓަރުގެ ޚިދުމަތްތައް އަލުން ފެށޭނެކަމަށްވެސް ބުނެފައިވެއެވެ.
މި ޕްރޮގްރާމްތަކާ ގުޅިގެން އިތުރު މަޢުލޫމާތު ބޭނުންވާ މީހުން 862-4004، 865-4004، 861-4004، 864-4004، 860-4004 އަދި 863-4004 ނަންބަރުތަކަށް ގުޅާލެވޭނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
