ޖަޕާނުގައި ހުންނަވާ ދިވެހި ސަފީރު އަޙްމަދު މަޚްލޫފް، ޔޫޕީއެސްއައިގެ ވަފުދަކާ ބައްދަލުކުރައްވައިފި

ޖަޕާނަށް މިހާރު ކުރައްވަމުން ގެންދަވާ ދަތުރުފުޅެއްގައި، މެލޭޝިއާގެ ޔުނިވަރސިޓީ ޕެންޑިޑިކަން ސުލްތާން އިދްރިސް (ޔޫޕީއެސްއައި) ގެ ފެކަލްޓީ އޮފް ސްޕޯޓްސް ސައިންސް އެންޑް ކޯޗިންގްގެ އިސް ވަފުދަކާ، ޖަޕާނުގައި ހުންނަވާ ދިވެހި ސަފީރު އަޙްމަދު މަޚްލޫފް ބައްދަލުކުރައްވައިފިއެވެ.

މި ބައްދަލުކުރެއްވުމުގައި ޔޫޕީއެސްއައިގެ ވަފުދުގެ އިސްވެރިއެއްގެ ގޮތުން ބައިވެރިވެވަޑައިގެންނެވީ އެ ފެކަލްޓީގެ ޑީން، އެސޯސިއޭޓް ޕްރޮފެސަރ ޑރ. ޖަފްރީއެވެ. މީގެ އިތުރުން މި ވަފުދުގައި ޔުނިވަރސިޓީގެ ޑެޕިއުޓީ ޑީން އޮފް ރިސާޗް އެންޑް އިނޮވޭޝަން އެސޯސިއޭޓް ޕްރޮފެސަރ ޑރ. އަލީ އާއި ޑރ. ޙުސައިން ޙަލީމް ބައިވެރިވެވަޑައިގެންނެވިއެވެ.

މި ބައްދަލުކުރެއްވުމުގައި މައިގަނޑު ގޮތެއްގައި މަޝްވަރާކުރެވުނީ ކުޅިވަރާއި، ތަޢުލީމާއި، ޒުވާނުން ބިނާކުރުމުގެ އިތުރުން ދިރާސާކުރުމުގެ ދާއިރާއިން ގުޅުން ބަދަހިކުރެވިދާނެ ގޮތްތަކާ ގުޅޭގޮތުންނެވެ. ވަީ ހާއްސަކޮށް، ރާއްޖޭގެ ތަޢުލީމީ ދާއިރާ ހަރުދަނާކުރުމަށާއި، ކުޅިވަރުގެ ދާއިރާއިން މީހުން ބިނާކުރުމަށް (ކެޕޭސިޓީ ބިލްޑިންގ) ހުރި ފުރުޞަތުތަކާ ގުޅޭގޮތުން ފުޅާ ދާއިރާއެއްގައި ޚިޔާލު ބަދަލުކުރެވުނެވެ.

މި ބައްދަލުވުމަކީ ރާއްޖެއާއި ބޭރުގެ މަތީ ތަޢުލީމީ މުއައްސަސާތަކާ ދެމެދު އޮންނަ ގުޅުން އިތުރަށް ވަރުގަދަކޮށް، ޒުވާނުންނަށް ބޭނުންވާ ފަންނީ ތަމްރީނާއި ތަޢުލީމީ ފުރުޞަތުތައް ފަހިކޮށްދިނުމަށް ސަރުކާރުން ކުރައްވަމުންދާ މަސައްކަތްތަކަށް ލިބުނު އިތުރު ކުރިއެރުމެކެވެ.