ރާއްޖެއަށް އެތެރެކުރަމުންދާ ވެހިކަލްތަކުގެ އަދަދު ލިމިޓްކުރުމާ ގުޅޭގޮތުން މަޝްވަރާކޮށްފި
މާލެފަހި ޕްރޮގްރާމްގެ ދަށުން ކަސްޓަމްސްއާ ގުޅުންހުރި ކަންކަމާ ބެހޭގޮތުން މަޝްވަރާކުރެއްވުމަށް މިނިސްޓަރ މުޙައްމަދު އަމީން، އަދި މި މިނިސްޓްރީގެ އިސް ބޭފުޅުންނާއެކު މިއަދު ކޮމިޝަނަރ ޖެނަރަލް އޮފް ކަސްޓަމްސްއާ ބައްދަލުކުރައްވައިފިއެވެ.
މި ބައްދަލުވުމުގައި ރާއްޖެއަށް އެތެރެކުރަމުންދާ ވެހިކަލްތަކުގެ އަދަދު ލިމިޓްކުރުމާ ގުޅޭގޮތުން މަޝްވަރާކުރެވުނެވެ. އަދި މިކަމާ ގުޅިގެން ކަސްޓަމްސްގެ ފަރާތުން ކުރެވިދާނެ ކަންތައްތަކާ މި ކަމަށް ގެނެވިދާނެ ހައްލަކާއި ބެހޭގޮތުންވެސް ވާހަކަދެކެވުނެވެ.
މީގެ އިތުރުން، އިމްޕޯޓް އެކްސްޕޯޓް ޤާނޫނަށް ގެނެވިދާނެ ބަދަލުތަކާ ގުޅިގެން ދެފަރާތުން މަޝްވަރާކުރިއެވެ. މި ބައްދަލުވުމުގައި މާލެފަހި ޕްރޮގްރާމްގެ ދަށުން ކުރިއަށް ގެންދެވޭ އެހެނިހެން މަސައްކަތްތަކާ ގުޅޭގޮތުންވެސް ޚިޔާލު ބަދަލުކުރެވުނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
