އިލެކްޝަންސް ކޮމިޝަންގެ ރައީސް ޒާހިދު އިސްތިއުފާ ދެއްވައިފި

އިލެކްޝަންސް ކޮމިޝަންގެ ރައީސް މުހައްމަދު ޒާހިދު މަގާމުން އިސްތިއުފާ ދެއްވައިފިއެވެ. 

ޒާހިދު އިސްތިއުފާ ދެއްވީ ހުކުރު ދުވަހުގެ މެންދުރުއެވެ. އިލެކްޝަންސް ކޮމިޝަންގެ ތަރުޖަމާބު ވިދާޅުވީ ކޮމިޝަންގެ ރައީސް އިސްތިއުފާ ދެއްވިކަން އަންގަވާފައިވާ ކަމަށެވެ.

ޒާހިދު އިލެކްޝަންސް ކޮމިޝަންގެ ރައީސް ކަމަށް އައްޔަން ކުރެއްވީ 26 ޖެނެއަރީ 2025 ގައެވެ. ޒާހިދު އިލެކްޝަންސް ކޮމިޝަންގެ ރައީސް ކަމަށް އައްޔަން ކުރުމުގެ ކުރިން އޭނާ ވަނީ އެޗްއާރުސީއެމްގެ މެންބަރުކަން ވެސް ކުރައްވާފައެވެ.

ޒާހިދު އިލެކްޝަންސް ކޮމިޝަނަށް އައްޔަން ކުރަން ފެންނަ ކަމަށް މަޖިލީހުން ފާސްކުރީ ދައުރުން ބޭރުން މިދިޔަ އަހަރުގެ ޖެނުއަރީ މަހުގެ 16 ވަނަ ދުވަހު ބޭއްވި ޖަލްސާގައެވެ.