ވިޒިޓް މޯލްޑިވްސް ޕްރޯ 2024 ރަސްމީކޮށް ފަށައިފި

އައިބީސީ ވޯލްޑް ޓުއާގައި ހިމެނޭ ވިޒިޓް މޯލްޑިވްސް ޕްރޯ 2024 ރަސްމީކޮށް ފަށައިފި އެވެ.

ދުނިޔޭ ބޮޑީބޯޑިން ޖަމިއްޔާ (އައިބީސީ)ގެ އެންމެ ބޮޑު މުބާރާތްތަކުގެ ތެރޭގައި ހިމެނޭ ވިޒިޓް މޯލްޑިވްސް ޕްރޯ 2024 ރަސްމީކޮށް މިއަދު ފައްޓަވައިދެއްވީ ކުޅިވަރާއި ހަށިހެޔޮކަމާ ބެހޭ ވަޒީރު، ޢަބްދުﷲ ރާފިޢު އެވެ.

އައިބީސީ ވޯލްޑް ޓުއާގެ ވިޒިޓް މޯލްޑިވްސް ޕްރޯ 2024ގައި މިއަހަރު 14 ގައުމަކުން 86 އެތުލީޓުން ވާދަކުރެ އެވެ. މީގެ ކުރިން މި މުބާރާތް ބޭއްވި ދެ އަހަރުވެސް ބޮޑު ތަރުހީބެއް މި މުބާރާތަށް ލިބުނެވެ.

އެހެން އަހަރުތަކާ ހިލާފަށް މިއަހަރު ވިޒިޓް މޯލްޑިވްސް ޕްރޯ 2024 ގައި އޮންނާނީ ތިން އިވެންޓެކެވެ. އެއީ ފިރިހެން އޯޕަން، އަންހެން އޯޕަން އަދި ޖޫނިއާ އޯޕަން އެވެ.