ހުޅުމާލެ ސްޓެލްކޯއާ ދިމާލުން މޫދަށް ފޭބި މީހާ މަރުވެފައި އޮއްވާ ފެނިއްޖެ
ހުޅުމާލެ ސްޓެލްކޯއާ ދިމާލުން މޫދަށް ފޭބި މީހާ މަރުވެފައި އޮއްވާ ފެނިއްޖެއެވެ.
ހުޅުމާލެ ސްޓެލްކޯއާ ދިމާލު ފަޅުތެރެއަށް، ވަލެއް އެއްސުމަށް މޫދަށް ފޭބި މީހަކު ގެއްލިފައިވާ ކަމުގެ މައުލޫމާތު، 2026 މެއި 21 ވަނަ ދުވަހުގެ އިރުއޮއްސި 18:30 އެހައިކަންހާއިރު ފުލުހުންނަށް ރިޕޯޓްކޮށްފައިވެއެވެ.
މި ހާދިސާގައި ގެއްލުނު މީހާ ހޯދުމުގެ މަސައްކަތް ފުލުހުންނާއި ސިފައިން ގުޅިގެން ކޮށްފައިވެއެވެ.
މިހާދިސާގައި ގެއްލުނު މީހާ ހޯދުމުގެ މަސައްކަތް ކުރަމުން ދަނިކޮށް 2026 މެއި 22 ވަނަ ދުވަހުގެ 08:25 އެހައިކަންހާއިރު މޫދުއަޑިން އޭނާގެ ހަށިގަނޑު ފެނުމުން، ހުޅުމާލެ ހޮސްޕިޓަލަށް ގެންދިޔައިރުވެސް މީހާ ނިޔާވެފައިވާކަމަށް ހުޅުމާލެ ހޮސްޕިޓަލުން މައުލޫމާތު ދީފައިވެއެވެ.
ނިޔާވެފައިވައި ވަނީ ކ.ގުރައިދޫ / ރަތްވިލާގެ ، އިބްރާހިމް ޝާކިރު (48 އަހަރު)އެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
