ޑިވަލަޕްމެންޓް ބޭންކް އޮފް މޯލްޑިވްސް ލިމިޓެޑްގެ ޗެއާޕާސަން އަދި ސީ.އީ.އޯ ކަމަށް އައްޔަން ކުރާ ބޭފުޅުންނާއި ރައީސް ބައްދަލަލުކުރައްވައިފި
މި ސަރުކާރުގެ ވަޢުދާ އެއްގޮތަށް ރާއްޖޭގައި އަލަށް އުފައްދާ ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ ޗެއަރޕަރސަން އަދި ސީ.އީ.އޯ ކަމަށް ޢައްޔަނުކުރާ ބޭފުޅުންނާއި ރައީސް ޑރ. މުހައްމަދު މުއިއްޒު ބައްދަލުކުރެއްވައިފިއެވެ.
ރައީސް އޮފީހުން މިއަދު އާންމުކުރި ވީޑިއޯއެއްގައި ރައީސް ޑރ. މުހައްމަދު މުއިއްޒު ވާހަކަފުޅު ދައްކަވާ ވިދާޅުވީ ރާއްޖޭގައި އަލަށް އުފައްދާ ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ ޗެއަރޕަރސަން އަދި ސީ.އީ.އޯ ކަމަށް ޢައްޔަނުކުރާ ބޭފުޅުންނާ މިވަގުތު ބައްދަލުކުރަން ހަމަޖެހިފައިވާ ކަމަށެވެ.
އާންމުކުރި ވީޑިއޯގައި ރައީސް ވާހަކަފުޅުދައްކަވަމުން ވިދާޅުވީ މި ފެށެނީ ވަރަށް ތާރީހީ ކަމެއްކަމަށާއި މިކަމަކީ ރާއްޖޭގެ އިޤްތިސޯދު ފުޅާކުރުމަށާއި އިޤްތިސޯދު ޑައިވާސިފައި ކުރުމަށާއި އަދި އިޤްތިސޯދު ކުރިއަށް ގެންދިއުމަށްޓަކައި ކުރެވޭ ވަރަށް މުހިންމު ކަމެއްކަމަށެވެ.
މީގެ އިތުރުން ރައީސް ވިދާޅުވި ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ އުފެއްދުމަކީ ސަރުކާރުން ކަނޑައަޅާފައިވާ އަދި މެނިފެސްޓޯގައި އޮތް އެންމެ މުހިންމު އެއްވައުދުކަމަށެވެ. އަދި މި ބޭންކުގެ ޗެއާޕާސަން އަދި ސީ.އީ.އޯ އަކަށް ހަމަޖެހިފައިވަނީ ދުނިޔޭގެ އެކި ތަންތާގައި މަސައްކަތް ކުރައްވާފައިވާ ވަރަށް ތަޖުރިބާ ހުރި ދެބޭފުޅުން ކަމަށް ރައީސް ފާހަގަކުރައްވާފައިވެއެވެ.
ރައީސް ފާހަގަކުރެއްވި ގޮތުގައި ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް ވެގެންދާނީ ރާއްޖޭގައި އެކި ދާއިރާތަކަށް އިންވެސްޓް ކުރަންބޭނުންވާ ފަރާތްތަކަށް ހަބެއްގެ ގޮތުގައިކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
