ރާއްޖެއިން ޔޫރަޕް ކޮލިޓީގެ ބޭސް ހެޔޮ އަގުގައި ލިބޭނެގޮތް ހަދައިފި

ރައީސްގެ ވައުދުފުޅާއި އެއްގޮތަށް ރާއްޖެއިން ޔޫރަޕް ކޮލިޓީގެ ބޭސް ފަސޭހައިން ލެބޭނެގޮތް ހައިފިއެވެ. 

ޔޫރަފް ކޮލިޓީގެ ބޭސް ދެމެހެއްޓެނެވި ގޮތެއްގައި ދިވެހިންނަށް ލިބޭނެ ބޭހުގެ ބަލްކް ޕްރޮކިއުމަންޓް ސިޔާސަތު އެންސްޕާއިން ތަންފީޒުކުރަން މިހާރުވަނީ ފަށައިފައެވެ.

.

ސަރުކާރުން ހާމަކުރެއްވި ގޮތުގައި ބަލްކް ޕްރޮކިއުމެންޓަކީ ސަރުކާރުން ޔޫއެންޑީޕީއާ ގުޅިގެން އެސްޓީއޯ މެދުވެރިކޮށް ރައްޔިތުންނަށް ބޭނުންވާ ފެންވަރު ރަނގަޅު އަދި ރައްކާތެރި ބޭސް ޕޫޠލް ޕްރޮކިއުމެންޓެއްގެ ތެރެއިން ބަލްކް ޕްރޮކިޔާކޮށް ރާއްޖެއަށް ގެނައުމަށް ފަށާ ޕްރޮޖެކްޓެއް ކަމަށެވެ.

މިއަދާ ހަމައަށްވެސް ހައްލު ނުވެ ގިނަބަޔަކު ޝަކުވާ ކުރަމުން އަންނަ އެއްކަމަކީ ރަނގަޅު ބޭސް ނުވަތަ ކޮލިޓީ ބޭސް ރާއްޖެއިން ނުލިބުމެވެ.  އަދި ރާއްޖެއިން ލިބޭ ބޭސްތައްވެސް ހެޔޮ އަގުގައި ނުލިބެއެވެ. އެކަން ހުއްޓުވަން އެއްވެސް ސަރުކާރަކަށް ވެސް އޮތީ ނުކެރިފައެވެ. ނަމަވެސް، ރައީސް ޑރ. މުޙައްމަދު މުއިއްޒު މިއަދު މި ވަނީ އެ މުހިންމު ފިޔަވަޅު އަޅުއްވާފައެވެ. އެއީ، ބޭހުގެ ބަލްކް ޕްރޮކިއުމަންޓް ސިޔާސަތު ތަންފީޒުކުރަން ފެށުމެވެ.

ފެންވަރު ރަނގަޅު ބޭސް ރައްޔިތުންނަށް ކަށަވަރުކޮށްދިނުމަކީ ރައީސް މުއިއްޒުގެ ވައުދުފުޅެކެވެ. މި ޕްރޮޖެކްޓްގެ އަމާޒަކީ ހައްލެއް ނެތި ބޮއްސުންލާފައިވާ ޒަމާންވީ މައްސަލަ ހައްލު ކުރުން ކަމަށް ވެސް ސަރުކާރުން ބުނެއެވެ.

ސަރުކާރުން ހާމަކުރެއްވި ގޮތުގައި މި ޕްރޮޖެކްތްގެ ދަށުން މި އަހަރު އެންމެ ފުރަތަމަ ޔޫރަޕް ކޮލެޓީގެ ހަތް ބޭހެއް ދައުރުކުރަން ފަށާނެ ކަމަށެވެ. އަދި އެއަށް ފަހު ނިޒާމަށް ގެންނަން ޖެހޭ ބަދަލުތައް ފުރިހަމަކުރުމަށް ފަހު އިތުރުން ތިން ބޭހެއް ދައުރުކުރަން ފެށޭނެ ކަމަށްވެސް ހާމަކުރައްވާފައިވެއެވެ.

މި ޕްރޮޖެކްޓްގެ މައިގަނޑު މަގުސަދެއް ކަމަށް ސަރުކާރުން ބުނަނީ އަސާސީ ހުރިހާ ބޭހެއް ރާއްޖޭން ލިބޭނެކަން ކަށަވަރުކުރުމެވެ. މިއަދުން ފެށިގެން އެސްޓީއޯގެ ފާމަސީތަކުން އެ ފެންވަރުގެ ހަތް ބޭހެއް ލިބޭނެ ކަމަށް ސަރުކާރުން ބުނެއެވެ އަދި ހެޔޮ އަގުގައި ކޮލިޓީ ބޭސް ދޫކުރަން ފެށުމުން އާސަންދާއަށް ބޮޑު ލުޔެއް ލިބޭނެއެވެ.