އިންޑިޔާއިން ކުރިޔަށްގެންދާ މަޝްރޫޢުތައް ކަނޑައެޅިފައިވާ ތާރީޚުތަކަށް ނިންމުމަށް މަޝްވަރާކޮށްފި
ކޮންސްޓްރަކްޝަން އެންޑް އިންފްރާސްޓްރަކްޗަރ ގެ ސްޓޭޓް މިނިސްޓަރު އިބްރާހިމް ތާޢާމް މުޙައްމަދު އިންޑިއާގެ އިސް ވަފުދަކާއި ބައްދަލުކުރައްވައިފިއެވެ.
މި ބައްދަލުވުމުގައި އިންޑިއާގެ މިނިސްޓްރީ އޮފް އެކްސްޓަރނަލް އެފެއާޒްގެ ފައިނޭންޝަލް އެޑްވައިޒަރު އަނުރާގް އަގަރުވާލްއާއި، އެ މިނިސްޓްރީގެ އޮފިސަރ އޮން ސްޕެޝަލް ޑިއުޓީ ޕީ. ކުމާރަން ބައިވެރިވެ ވަޑައިގެންނެވިއެވެ. މި ބައްދަލުވުމުގައި ރާއްޖޭގައި ހުންނަ އިންޑިއާގެ ހައި ކޮމިޝަނަރު މުނު މަހާވަރުގެ އިތުރުން، ކޮންސްޓްރަކްޝަން އެންޑް އިންފްރާސްޓްރަކްޗަރ މިނިސްޓްރީގެ ޕަރމަނަންޓް ސެކްރެޓަރީ މުޙައްމަދު ޝާމިލްއާއި، ފޮރިން މިނިސްޓްރީގެ ޑިރެކްޓަރު ސުޒިލް އަޙްމަދު ބައިވެރިވެ ވަޑައިގެންނެވިއެވެ.
ބައްދަލުވުމުގައި މައިގަނޑު ގޮތެއްގައި މަޝްވަރާކުރެވުނީ އިންޑިއާގެ އެގްޒިމް ބޭންކުން ދޫކޮށްފައިވާ ލައިން އޮފް ކްރެޑިޓް ފެސިލިޓީގެ ދަށުން ކުރިއަށްދާ މަޝްރޫޢުތައް ކަނޑައެޅިފައިވާ ތާރީޙަށް ނިންމުމަށް އިސްކަންދެއްވުމުގެ މުޙިއްމުކަމާއި ބެހޭގޮތުންނެވެ.
އަދި ބައްދަލުވުމަށްފަހު، އިންޑިއާގެ ވަފުދާއި މިވުޒާރާގެ ޓީމާއި ގުޅިގެން މާލެ-ތިލަފުށި ލިންކް ޕްރޮޖެކްޓްގެ މަސައްކަތް ކުރިއަށްދާ ސަރަޙައްދަށް ޒިޔާރަތްކޮށް މަސައްކަތުގެ ކުރިއެރުން ބައްލަވާލެއްވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
