އެމްއެންޑީއެފް ސަދަން އޭރިއާ ކޮމާންޑުގެ ކޮމާންޑަރ، ތިނަދޫ ސިޓީ، ޕޮލިސް ސްޓޭޝަނުގެ އިސްވެރިންނާ ބައްދަލުކުރައްވައިފި
އެމްއެންޑީއެފް ސަދަން އޭރިއާ ކޮމާންޑުގެ ކޮމާންޑަރ، ކާނަލް މުޙައްމަދު ޖަމްޝާދު، ތިނަދޫ ސިޓީ، ޕޮލިސް ސްޓޭޝަނުގެ އިސްވެރިންނާ ބައްދަލުކުރައްވައިފިއެވެ.
މިއަދު ތިނަދޫ ސިޓީ، ޕޮލިސް ސްޓޭޝަނުގައި ބޭއްވި މި ބައްދަލުކުރެއްވުމަކީ، އެމްއެންޑީއެފް ސަދަން އޭރިއާ ކޮމާންޑްގެ ކޮމާންޑަރ ހުވަދު އަތޮޅަށް ކުރައްވަމުން ގެންދަވާ ޒިޔާރަތުގައި، ރަށްރަށުގެ ކައުންސިލްތަކާއި އެކިއެކި މުއައްސަސާތަކާއެކު ބާއްވަމުންގެންދަވާ ބައްދަލުކުރެއްވުންތަކުގެ ތެރެއިން ބޭއްވެވި ބައްދަލުކުރެއްވުމެކެވެ. މި ބައްދަލުކުރެއްވުމުގައި، ދެ ފަރާތުން ގުޅިގެން މަސައްކަތް ކުރުމާއި، ދިމާވާ ދަތިތަކާ ބެހޭގޮތުންނާއި، ކަންކަން ހައްލުކުރުމަށް ކުރެވިދާނެ ކަންކަމާ ބެހޭގޮތުން ވަނީ މަޝްވަރާކުރައްވާފައެވެ.
މި ބައްދަލުކުރެއްވުމުގައި، ސަދަން އޭރިއާ ކޮމާންޑުގެ ކޮމާންޑަރުގެ އަރިހުގައި އެ ކޮމާންޑުގެ ސްޓާފް އޮފިސަރުން ބައިވެރިވެލެއްވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
