ވެރިކަން ބަދަލުވިއިރު ބައިތުލްމާލު އޮތީ ހުސްވެފައި - ޒަމީރު
ރައިސް ޑރ. މުހައްމަދު މުއިއްޒު ވެރިކަމާއި ހަވާލުވިއިރު ރާއްޖޭގެ ބައިތުލްމާލު އޮތީ ހުސްވެފައި ކަމަށް ހާރިޖީ ވަޒީރު މޫސާ ޒަމީރު ވިދާޅުވެއްޖެއެވެ.
ޕީއެސްއެމްގެ ޕްރޮގްރާމެއް ކަމުގައިވާ ރާއްޖެމިއަދު ގައި ވާހަކަ ދައްކަވަމުން ވަޒީރު ވިދާޅުވީ ރައިސް ޑރ. މުހައްމަދު މުއިއްޒު ވެރިކަމާއި ހަވާލުވިއިރު ރާއްޖޭގެ ބައިތުލްމާލު އޮތީ ހުސްވެފައި ކަމަށާއި އެ ހާލަތުން އަރައިގަތުމަށް އެމަނިކުފާނުގެ މިސްރާބަށް ދުނިޔޭގެ ގައުމުތައް ރުހޭކަމަށެވެ.
މީގެ އިތުރުން ވަޒީރު ވިދާޅުވީ ގައުމު އޮތް ހާލަތުގައި ހާސިލްކުރެވޭނެ ހުރިހާ ކާމިޔާބީއެއް މި ސަރުކާރުން ކާމިޔާބުކުރެއްވިކަމަށާއި ބައިނަލްއަގްވާމީ ގޮތުން ބަލާނަމަ ރާއްޖޭގެ ލީޑަރޝިޕް ވަރަށް ބޮޑަށް ފެނިގެންދާ ކަމަށެވެ. އެގޮތުން ސިޑްސް ފަދަ ޖަމިއްޔާތަކަށް ބަލާއިރު ރާއްޖެއަކީ އެންމެ ބޮޑަށް ލީޑް ކުރަމުންދާ އެއް ގައުމު ކަމަށާއި ޔޫއެންއިންވެސް ރާއްޖޭގެ އެހީތެރިކަން ބޭނުުންވާ ކަމަށް ވިދާޅުވިއެވެ.
ރާއްޖެ މިހާރު އޮތް ހާލަތުން އަރައިގަތުމައްޓަކައި މި ސަރުކާރުން ގިނަ މަސައްކަތްތަކެއް ކުރައްވާކަމަށް ފާހަގަ ކުރައްވާ ވަޒީރު ވިދާޅުވީ ރައީސް ވެވަޑައިގެންފައިވާ ވައުދުތައް ފުއްދުމަށް އެހީތެރިކަން ހޯދަމުންދާ ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
