މަސްވެރިންނަށް ދޭންޖެހޭ 2.1 މިލިއަން ރުފިޔާ މިފްކޯއިން ދޫކޮށްފި
ފާއިތުވި ދެ ހަފްތާގައި ބާނާފައިވާ މަހަށް މަސްވެރިންނަށް ދޭންޖެހޭ 2.1 މިލިއަން ރުފިޔާ މިފްކޯއިން މަސްވެރިންނަށް ދޫކޮށްފިއެވެ.
މިފްކޯއިން ހާމަކުރެއްވިގޮތުގައި ޖުލައި 13 އިން މި މަހުގެ 25 ވަނަ ދުވަހުގެ ނިޔަލަށް މަސްވެރިން ކިރުވި 136 މެޓްރިކް ޓަނުގެ މަހަށް، 2.1 މިލިއަން ރުފިޔާ ދޫކޮށްފައިވެއެވެ.
މީގެ އިތުރުން މިފްކޯއިން ވިދާޅުވީ ދިވެހި ސަރުކާރާއި ފިޝަރީޒް މިނިސްޓްރީގެ އެހީތެރިކަމާއެކު މިދުވަސްވަރު މަސްވެރިން ބާނާ މަހަށް ދެ ހަފްތާގެ ތެރޭގައި ފައިސާ ދޫކުރެވޭ ކަމަށެވެ. އަދި މި މަސައްކަތް ކުރިއަށް ގެންދިއުމުގައި ފިޝަރީޒް މިނިސްޓަރ އަހުމަދު ޝިޔާމް މިފްކޯގެ ޓީމަށް ދެއްވާ ހާއްސަ އަހައްމިއްޔަތުކަމާއި އެހީތެރިކަމަށް ޝުކުރު ދަންނަވާކަމަށް ވެސް ވިދާޅުވިއެވެ.
މިދުވަސްވަރު މަސްވެރިކަން ދައްވެ މަސްކިރާ ވަރު މަދުވުމުން މިފްކޯއަށް ލިބޭ މަހުގެ އަދަދުވެސް މަދުކަން އެކުންފުނިން ފާހަގަކޮށްފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
