ސަލްމާން މިސްކިތުގައި ދިގުރާގަށް ޤުރުއާން ކިޔެވުމުގެ މެޙެފިލް މަޤާމާތުލް ޤުރްއާނިއްޔާ ފަށައިފި

މަޤާމާތުލް ޤުރްއަނިއްޔާގެ ނަމުގައި ސަލްމާން މިސްކިތުގައި ދިގުރާގަށް ޤުރުއާން ކިޔެވުން ފަށައިފިއެވެ.

މިއީ ކޮންމެ ހުކުރު ދުވަހެއްގެ ރޭ ސަލްމާން މިސްކިތުގައި ކުރިއަށް ގެންދިއުމަށް ހަމަޖެހިފައިވާ ޕްރޮގުރާމެކެވެ.

މި ޕްރޮގުރާމް ފެއްޓުމަށް ރޭ ކުރިއަށް ގެންދިޔަ ފުރަތަމަ މަހެފިލްގައި ގިނަ އަދަދެއްގެ ކުދިން ބައިވެރިވެފައިވާކަން ފާހަގަކޮށްލެވެއެވެ. މި ޕްރޮގުރާމަކީ ޤުރުއާން ކިޔަވަން ލޯބި ޖެއްސުމާއި ފެންވަރު ރަނގަޅު ޤާރީން ބިނާކުރުމަށް މަގު ފަހިކުރުމުގެ މަޤުސަދުގައި ފަށާ ޕްރޮގުރާމެކެވެ.

މި ޕްރޮގުރާމާއި ގުޅޭ ގޮތުން ވަޒީރު ވިދާޅުވީ، މި ޕްރޮގުރާމުގެ ތެރެއިން ކުޅަދާނަ ޒުވާން މޮޅު ޤާރީން މި ތިލާވަތު މަހެފިލްގައި ފެނިގެންދާނެކަމަށެވެ.