ޚާރިޖީގޮތުން އެންމެ ގާތްގުޅުމެއް ބާއްވަނީ އަރަބި އިސްލާމީ ޤައުމުތަކާ: ރައީސް މުޢިއްޒު

ޚާރިޖީގޮތުން ގުޅުންތައް ބަދަހިކުރަމުންދާއިރު އެންމެ މުހިންމު އިސްކަމެއްދީގެން އެންމެ ގާތްގުޅުމެއް ބާއްވަނީ އަރަބި އިސްލާމީ ޤާއުމުތަކާއެކު ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. 

ހަފްތާ 104 ފާހަގަކުރުމުގެ ރަސްމިއްޔާތުގައި ވާހަކަފުޅުދައްކަވަމުން އެމަނިކުފާނު ވިދާޅުވީ އަރަބި އިސްލާމީ ޤައުމުތަކާއެކު ގާތްގުޅުމެއް ބާއްވަން އިސްކަންދޭއިރު އޭގެތެރެއިންވެސް ޚާއްސަ އިސްކަމެއް ދެނީ ސަޢުދީ އަރަބިއްޔާއާ ކަމަށެވެ. އެގޮތުން ސަޢުދީގެ ރަސްގެފާނު ރާއްޖޭގެ ރައްޔިތުންނަށް ދެއްވާ އިސްކަމުގެ ތެރެއިން ޙައްޖާޖީންނަށް އެތައް ލުއިފަސޭހަތަކެއް ލިބިފައިވާކަމަށް ރައީސް ފާހަގަކުރެއްވިއެވެ.

ރައީސުލްޖުމްހޫރިއްޔާ ވަނީ ސަޢުދީގެ ރަސްގެފާނަށާއި ވަލީ އަހުދަށް ޝުކުރުއަދާކުރައްވާފައެވެ.

ހަމައެހެންމެ އަރަބި އިސްލާމީ ޤައުމުތަކުގެ އިތުރުން އެހެން ހުރިހާ ޤައުމުތަކާއެކު ވެސް ގާތް އެކުވެރި ގުޅުންތަކެއް ޤާއިމުކުރެވި، އެ ގުޅުންތަކުގެ ތެރެއިން މަންފާތައް ހޯދުމަށް ގިނަގުނަ މަސައްކަަތްތައް ސަރުކާރުން ކޮށްފައިވާކަމަށް ވެސް ފާހަގަކޮށްފައިވެއެވެ.