ދައުރުވާ ވީޑިއޯގައި ފެންނަ ވެހިކަލްތަކަކީ ޤަވާޢިދުގެ ތެރެއިން ނައްތާލުމަށް ގެންދިޔަ ވެހިކަލްތަކެއް
ވެހިކަލްތަކަކަށް ފުލުހުން ގެއްލުންދޭ މަންޒަރު ކަމަށް ބުނެ ދައުރުވާ ވީޑިއޯގައި ފެންނަ ވެހިކަލްތަކަކީ ޤަވާޢިދުގެ ތެރެއިން ނައްތާލުމަށް ގެންދިޔަ ވެހިކަލްތަކެއް ކަމަށް ދާޚިލީ ވަޒީރު އަލީ އިޙްސާން ވިދާޅުވެއްޖެއެވެ.
މިނިސްޓަރ މިފަދައިން ވިދާޅުވެފައިމިވަނީ މާލޭ މެރީބްރައުން ކައިރީގައި އޮންނަ ފުލުހުންގެ ޓޯޔާޑަށް ގެންދިޔަ ސައިކަލުތަކެއް ޕިކަޕަކުން ބާލުވާ މަންޒަރު ފެންނަ ވީޑިއޯ އެއް ސޯޝަލް މީޑިއާގައި ދައުރުވަމުންދާތީ އެކަމުގެ މައުލޫމާތު ހިއްސާކުރައްވާ ކުރެއްވި އެކްސް ޕޯސްޓެއްގައެވެ.
މިނިސްޓަރ ކުރެއްވި އެކްސް ޕޯސްޓުގައި ވިދާޅުވީ ސޯޝަލް މީޑިއާގައި ދައުރުވަމުންދަނީ މެރީބްރައުން ކައިރީގައި އޮންނަ ޓޯޔާޑް ތެރޭ ފެންނަ ވީޑިއޯއަކީ މިމަހުގެ 6ވަނަ ދުވަހު ޤަވާއިދުގެ ތެރެއިން ނައްތާލުމަށް ހަމަޖެހިފައިވާ ވެހިކަލް ތަކެއް ނައްތާލުމަށް ގެންގޮސް އެއްތަނަކަށް ޖަމާކުރާ މަންޒަރު ކަމަށެވެ.
މިކަމާ ގުޅިގެން ފުލުހުންވެސް ބުނެފައިވަނީ އެ އުޅަނދުތަކަކީ ޤަވައިދުގެ ތެރެއިން ނައްތާލަން ހަމަޖެހިފައިވާ ވެހިކަލްތަކެއް ކަމަށެވެ.
އިއްޔެ ނައްތާލެވުނު ވެހިކަލްތަކުގެ އަދަދު:
ސައިކަލު: 247
ހަތަރު ފުރޮޅުލީ އުޅަނދު: 29
ބައިސްކަލު: 223
އެމްބިއުލާންސް: 1
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
